140
REGISTRES DU BUREAU
[i5o7]
chans et Eschevins, bourgois, manans et habitans de nostre bonne ville et cité de Paris.
Autres lettres. — Coppie des lettres du Roy adres-sans aux Prevost de Paris et Baillifz touchant le ban et arriereban.
Ont esté sur ce demandées les oppinions aux as­sistans par monseigneur le president de Carmonne en l'absence de monsr le Prevost des Marchans ; par l'oppinion desquelz a esté ordonné, deliberé et con­clud que lesd, lettres seront enregistrées au greffe de ceans, et présentées à monsr Ie Prevost de Paris ou à son lieutenant pour les faire lire et publier en plein auditoire à jour plaidoyable, et enregistrer au Chas­tellet de Paris.
Pareillement qu'elles seront présentées aux bail­lifz de Senlis, Meaulx et autres lieux prochains de Paris, ou à leurs lieutenans, ad ce qu'ils les fassent aussi publier et enregistrer es greffes desd, bail­liaiges.
Et, ce fait, que les originaulx desd, lettres seront raportez pour demourer et estre tenuz et gardez en l'OsIel de lad. Ville, des vidimus ou extrais des­quelles seront aydez les particuliers habitans d'icelle ville quant le requerront.
Et au surplus, que injonctions seront faictes de par mess" les Prevost des Marchans et Eschevins aux bourgois, manans et habitans d'icelle ville, quelz qu'ilz soyent, tenans fiefz et arrierefiefz, d'eulx fournir d'armeures et habillemens de guerre deue­ment et selon leur estat. Et quant aux femmes vefves et gens d'esglise ayans de leur patrimoine fiefz et arriere­fiefz, d'avoir armes et habillemens de guerre pour leurs gens et familliers souffisamment pour servir pour eulx et en leur lieu à la garde et tuition d'icelle ville, selon le contenu des privileiges et lettres des­susd., le tout dedans le jour de Toussains prochai­nement venant.
Et pour ce faire, les Quarteniers, chascun en son quartier, se informeront des personnages qui ont et tiennent fiefz et arrierefiefz, ausquelz ilz feront icelles injonctions; de ce feront leur rapport à mesd. s" les Prevost et Eschevins, qui, après led. temps escheu, se transporteront ou aucuns d'eulx avecques le Greffier de lad. Ville es hostelz et domiciliés desd, tenans fiefz et arrierefiefz, pour savoir s'ilz ont fourny ausd, injonctions. Et s'ilz en tiennent aucuns qui ayent esté delayans ou refusans décé faire, leur feront commandement qu'ilz comparent à certain jour en l'Ostel de la Ville, auquel sera ordonné as­semblée, pour estre contre eulx procedé par priva­tion dud. privileige et autres peines qu'il appartien­dra par raison.
29 septembre.
"De par le Roy.
" Noz amez et feaulx, les Prevost des Marchans et Eschevins de nostre bonne ville et cité de Paris, de­puis les crys et proclamations par vous faictes en voz bailliaiges et jurisdictions de nostre ban et ar-riereban, selon noz lettres que pour ce faire vous avons envoyées, nous ont fait dire et remonstrer qu'ilz ont de nous et de noz predecesseurs plusieurs privileiges, et entre autres que les bourgois de nos­tred, ville tenans fiefz et arrierefiefz sont exemps de nostre ban et arriereban, qui leur a esté octroyé pour la garde et tuition d'icelle nostre ville de Paris, nous requerans les faire entretenir en icelles exemp­tions. Et pour ce que desirons nostred, ville de Pa­ris, qui est principalle et capital de nostre Royaulme, et à laquelle nous et nosd. predecesseurs avons tous­jours eu singuliere affection, estre entretenue esd. pri­vileiges et exemption, et que avons [fait] charge ausd. Prevost et Eschevins, bourgois, manans et habitans de Paris eulx entretenir deuement en habillemens de guerre pour la garde et tuition de nostred, ville, selon leursd, privileiges : nous voulons et vous man­dons que d'icelle exemption de ban et arriereban vous les laissez et faictes, chascun de vous en vostre povoir et jurisdiction, joyr et user et en ce ne leur donner empeschement. Et si aucuns de leursd, fiefz estoient pour ceste cause saisiz et empeschez, met­tez et iceulx faictes mettre incontinant à plaine de­livrance.
"Donnéà Blois le xxix" jour de Septembre."
Ainsi signé: Cotereau.
LOYS.
Au doz desquelles estoit escript ce qui s'ensuit :
A nos amez et feaulx les Prevost de Paris, Baillifz de Vermandois, Chartres, Senlis, Meaulx, Sens, Troyes, Melun, et autres nos justiciers et commisseres de nostre ban et arriereban ou à leurs lieutenans.